Nova
versio de la informilo 'Ĝisdate pri Esperanto' kaj Semajno de Homaj Rajtoj kaj
de Esperanto
Karaj
samideanoj,
post konsiderado de la lastaj korekto-proponoj venintaj el pluraj el vi, ni
povas konsideri la nunan version de 'Ĝisdate pri Esperanto' la provizore
definitiva. Vi trovas ĝin en www.tejo.org/uea/informiloj_farataj .
Bonvolu atenti, ĉar en la fino de la dokumento estas klara indiko, ke en la
tradukoj devas esti montrata post la adreso de UEA ankaŭ la adreso de landa
asocio aŭ de loka grupo al kiu la neesperantistoj rajtas peti informojn en la
lingvo de la traduko.
Antaŭ ol ektraduki anoncu vian intencon traduki en la listo
informado@yahoogroups.com
aŭ/kaj en la listoj de via lando, simple por eviti duoblajn
laborojn. Krome havigu al vi la jam ekzistantan tradukon en via lingvo, ĉar
multaj partoj ne ŝanĝiĝis aŭ malmulte ŝanĝiĝis. Ligon al ĉiuj ekzistantaj
versioj vi trovos en
www.tejo.org/uea/Gxisdate_pri_Esperanto
.
Mi ne povas pensi pri pli bona maniero bondeziri al vi okaze de la 15-a de
decembro, Zamenhof-tago, Tago de Esperanto-libro kaj Monda Tago de Esperanto en
la kadro de la Semajno de Homaj Rajtoj kaj de Esperanto.
Simple ni daŭrigu nian modestan agadon por Esperanto laŭ la spirito de amo al la
homaro, de malamo al la kaŭzantoj de maljustaĵoj al la popoloj kaj de konkretaj
agadoj por Esperanto, kiun Zamenhof donis al ni.
Amike
Renato Corsetti
------------------------------------
Renato Corsetti, Via del Castello, 1
IT-00036 Palestrina, Italujo
-------------------------------------