Nova E-arkivejo ĉe urbo Herzberg + E-rozo, ktp.
Germana
Esperanto-Centro (Deutsches Esperanto-Zentrum)
(klerigo de GEA),
37412 Herzberg am Harz
Tel. 05521-5983
Karaj!
Jen mallongaj informoj pri la agadoj post GEK en junio.
1) La litova muzikgrupo Asorti koncertis (post GEK) en la kavalira salono de la
kastelo Herzberg. Ĉeestis la urbestro kaj preskaŭ 50 personoj.
Krom 3 kantoj en la rusa kaj litova lingvoj ili kantis en Esperanto.
La junulo de la grupo pruvis sian talenton kiel elstara
violonisto. Longan aplaŭdon ili meritis kaj ricevis. Belsona muziko estas bona
varbilo por Esperanto.
2) Esperanto-rozoj floras en la ĝardeno de GEC/ICH en Herzberg (vidu
foton en la
albumo).
3) De la urbo Herzberg ni nun ricevis senkotizan arkivejon (renovigita
subtegmentoetaĝo) en la malnova urbodomo de Herzberg. Tie ni deponos
informbudojn, ekspozicimaterialojn, Esperanto-gazetojn, ktp. Cetere nia antaŭa
kunlaboranto Uwe Weidehaus nun laboras ĉe la urbodomo por diversaj
Esperanto-aktivecoj.
Do, krom la oficejo kun bibliotekto en Grubenhagen strato 6 nun ekzistas dua
konstanta E-loko en Herzberg.
4) Dum 10-11a junio ni havis Esperanto-informtablon okaze de
SPECTACULUM (historia festo en la loka kastelo).
Dum du tagoj ni informis la gastojn pri Esperanto kaj disdonis centojn da
varbiloj kaj alvokis por Esperanto-lernado (retkursoj kaj surlokaj eblecoj). Ni
lasis stoketon de varbiloj ankaŭ ĉe la plej multo de la vendejoj, kafejoj, ktp.
en la ĉefstrato de Herzberg.
5) Inter 16-18 junio la 30a studsesio (sub gvido de Alois Eder pri tradukado por
nia esperantlingva Vikipedio) bone sukcesis.
Sabatvespere okazis je la 27a fojo la tradicia kradrostadfesto en la bela
Harz-vilaĝo Lonau apud Herzberg.
Fotojn pri la muzikgrupo Asorti, Esperanto-rozo, kradrostadfesto kaj informtablo
ĉe la enirejo de la kastelo vi povas vidi ĉe:
http://www.fotos.web.de/interkultura-centro/E-rozo_kaj_informado
Amike salutas
Zsofia Marika Otto Petro Harald Kuba Matthias
*******************************************
Esperanto-instruado, biblioteko, muzeo je via servo:
Germana Esperanto-Centro/Interkultura Centro Herzberg
D-37412 Herzberg/Harz
Grubenhagenstr. 6, Tel: +49/(0)5521-5983
www.ic-herzberg.de