Artikolo pri la ILEI kunveno en Parma

Das Aktuellste	Informationen aus Bayern		Informationen aus Deutschland
La plej aktuala		Informoj el Bavario	Informoj el Germanio

*********************************************************
INFORMITALE 88
Oficiala inform-servo de Itala Esperanto-Federacio
*********************************************************

ESPERANTO Kunveno kaj renkontiĝo en la Urbodoma Palaco.
Startas de Parmo la relanco de la "lingvo de la paco". La ILEI - delegacio akceptita far' de la skabeno Lavagetto

(lo.sart.) Al la delegacio diris sian bonvenon en perfekta Esperanto. Tiele la skabeno Giampaolo Lavagetto volis akcepti hieraŭ matene en la urbodomo,
per vere duka signoreco, la delegacion de ILEI (Internacia Ligo de Instruistoj de Esperanto) kies membroj estas enlandaj kaj fremdlandaj kleruloj,

inter kiuj Frato Piero Spagnolini de la Instituto La Salle de nia urbo.
La membroj de ILEI partoprenis en la kvartaga kunveno de tiu ĉi jaro okazinta en Parma dum la pasintaj tagoj, kies celo estis la relanĉo de la "lingvo de la paco".

Tiel, fakte, estis difinita Esperanto. Luigia Madella, "animo" de la parma Esperanto-asocio, kaptis la okazon, ne nur por danki al Lavagetto pro "lia simpatio montrita

rilate al Esperanto kaj al subteno kiun li donis al la internacia kultura rendevuo", sed ankaŭ por informi pri la farita laboro. Je demando ĉu Esperanto povos havi estontecon,

Madella respondis pozitive montrante grandan optimismon: "ne nur pro la fakto ke necesas supernacia lingvo parolata de ĉiuj gentoj,

sed ankaŭ pro la rezultoj de la tre konstrua debato por la relanĉo de Esperanto kiun startigis la kunveno".
La vicprezidantino de ILEI Zsofia Korody atentigis krome ke en Germanio ekzistas "urbo de Esperanto": Herzberg am Harz. Lavagetto, montrante sian estimon

pro la laboro farita dum la E-kunveno, aŭspiciis ke en nia urbo povu esti starigota iu pilota projekto en la bazlernejoj. Simila projekto, rimarkis membro de ILEI,

"povus esti financota kaj subtenota de la Eŭropa Komisiono". Je la fino de la kora renkontiĝo, Lavagetto omaĝis al la delegacio per flageto de la urbodomo kaj insigno de nia urbo.

Laŭ Gazeto de Parma - 12-08-2006