Rusaj bardoj en Nurenbergo ekkantis esperante
La 16-an de aprilo 2005 en Nurenbergo
(Germanio) la barda klubo "Bereg" (Bordo) okazigis
kantadan vesperon sub la titolo "Vilaĝaj kunsidoj en
Eŭropo - kantu kun ni".
Tiaj vesperoj celas trovi la eblajn fenestrojn de kontakto
kaj interŝanĝo inter diverslingvaj kulturoj en Eŭropo.
Aŭditorio, konsistanta kaj el ruslingvaj kaj el germanlingvaj
aŭskultantoj, partoprenis en la kantado kunkantetante kaj
kunludante perkutinstrumentojn.
Krom la kantoj ruslingvaj kaj ukrainlingvaj unuafoje
estis prezentita kanto en Esperanto. Por tiu ĉi vespero
estis elektita la kanto "Niaj trajnoj" de Mikaelo Bronŝtejn
(http://www.ikso.net/kantaro/Niaj_Trajnoj)
- parodio al la kanto "Nia trajno" de Ĵomart kaj Nataŝa.
La partoprenantoj kun granda intereso aŭskultis la kanton, kies tekston,
preparitan laŭ legometodo de Ilja Frank, ĉiuj ricevis (http://www.vorota.de/upload/Nia_Trajno_Bronsxtejn_1591.doc).
La klubo "Bereg" planas novan kantan vesperon, plene
dediĉita al Esperanto, en kunteksto de sia projekto "Bardoj
de la mondo". La projekto klopodas rekonstrui la nomĉenon
de bardoj de Orfeo ĝis nuntempo kaj ilian kantan
heretaĵon kaj prezenti tion al la komunumo.
La klubo "Bereg" estus dankema por ĉiu helpo pri la
preparado de la Esperanto-vespero.
Kontaktoj:
Sergej Orlovskij