„Juna amiko“ aperas kun pli dika aspekto
Aperis la unua numero de „Juna amiko“
por la jaro, kaj la unua laŭ la nova 52-paĝa amplekso. Kvar plen-koloraj
kovril-paĝoj entenas buntan sandviĉon da novaĵoj kaj legindaĵoj. Se vi mem ne
abonas, kontaktu peranton por vidi specimenon kaj aboni. Meze de la revuo estas
6-paĝa sekcio por subteni kaj prezenti la projekton "Interkulturo". Mondmapo
montras, kie troviĝas ĝiaj grupoj, tekstoj klarigas ĝian celon kaj oferton kaj
donas ekzemplojn pri la enhavo de la ret-paĝaro de la projekto kaj invitas al
novuloj aliĝi.
Vizitu la ret-paĝon de „Juna amiko“ ĉe <www.junaamiko.inf.hu>
por vidi liston de perantoj, la bazan vortliston de la revuo, kaj pli. Por vidi
artikolojn el malnovaj numeroj iru al <www.lernu.net>,
kie vi trovos rubrikon „Juna amiko“ en la biblioteko.
Ni jam havas 650 abonantojn por la jaro. Por ke la revuo vere prosperu, ni
bezonas 800. Estu vi unu el ili! „Juna amiko“ transformiĝis - nova grafiko,
novaj rubrikoj, nova spirito. Provu nun!
----------------------------------
Renato Corsetti, Via del Castello, 1
IT-00036 Palestrina, Italujo
-----------------------------------