Poŝtkartoj petataj
Saluton al ĉiuj,
Ni estas malgranda E-grupo en la sud-okcidenta parto de Francio. En venonta septembro,
ni festos nian 10-an datrevenon. Tiuokaze, ni faros ekspozicion en
la urba kulturcentro, por informi pri Esperanto. Interalie ni elmontros
poŝtkartojn el la tuta mondo, kun gratuloj en esperanto pro nia dekjariĝo.
Do ni antaŭdankas ĉiujn homojn aŭ grupojn, kiuj bonvolos sendi al ni
tiajn poŝtkartojn, kaj ni povos interŝanĝe sendi al
tiuj, kiuj tion petos, poŝtkarton de nia regiono.
Antaŭdankeme,
Janine DUMOULIN