ESPERANTO KAJ GOOGLE
----------------------------------------------------
Saluton, karaj!
Bonajn novaĵojn!
Jen:
Helpu esperantigi Google-ajn servojn!
Verŝajne multaj scias, ke serĉilo Google povas funkcii en Esperanto. Por
tio nur necesas indiki Esperanton kiel vian preferatan lingvon en la
opcioj de la retumilo.
Aŭ elekti iom pli longan adreson
http://www.google.com/intl/eo/
Sed krom la serĉilo Google nun havas aliajn servojn: ekzemple avangardan
poŝtan servon Gmail kaj beta-versian servon Google-grupoj, sufiĉe similan
al Yahoogroups.
Ilia granda avantaĝo por ni estas, ke ili ankaŭ povas iam
iĝi Esperantlingvaj - se ni mem helpos al tio.
Momente tie laboras kelkaj volontuloj, inter alie ankaŭ mi, sed la kvanto de
tradukendaj frazoj estas ankoraŭ tro granda. Ĵus ni atingis, ke Gmail
estas preskaŭ fintradukita
dum la Grupa servo estas tradukita je 21%. En
ĝi restas traduki ĉirkaŭ 1700 frazojn.
Kiel aliĝi al la tradukado?
Venu al
https://services.google.com/tc/Welcome.html kaj
registriĝu. Ve, necesas scipovi la anglan, el kiu
okazas la tradukado.
Por konatiĝi kun la grupa servo venu al
http://groups-beta.google.com/.
Tie cetere jam eblas krei novajn grupojn - por kiuj iam en
ne tre fora estonteco elekteblos ankaŭ E-interfaco.
Andrej Grigorjevskij
Estrarano UEA
*********************************************************************
*********************************************************************
Reklamo pri Esperanto aperos tra Google
Pli ol 30.000 vizitojn monate ricevas la retejo "Lernu.net", kie eblas
studi Esperanton en 24 lingvoj. Pluraj dekoj da kunlaborantoj vivigas la
projekton, kiun financas la organizaĵo Esperantic Studies Foundation.
Ankaŭ tra la popularega ret-serĉilo Google baldaŭ disvastiĝos reklamo
pri "Lernu.net". Fine de marto la teamo de la retejo sukcesis gajni
konkurson de Google pri senpaga reklamo.
De tiam aktivuloj preparadis la
reklam-ŝildojn kiuj aperos diversloke en la reto fine de majo aŭ komence
de junio
Legu pli en Libera Folio!
http://www.liberafolio.org
inf:
Kalle Kniivila