Kajto" ĉe la 3a Novjara Renkontiĝo de
EsperantoLand
La muzikgrupo Kajto, kiu ĵus ricevis la FAME-kulturpremion,
prezentos koncerton dum la 3a Novjara Renkontiĝo (NR) en
la kastelo Marienburg en sudokcidenta Germanio, 60
kilometrojn de Trier. La kvarpersona muzikistaro, kiu
ekde 1988 ludas en Esperantujo, famiĝis per vigla muziko
kaj kvin lumdiskoj kun esperantlingvaj kantoj.
Ĝis nun 109 aliĝintoj el deko da landoj
Ĝuos la koncerton de Kajto pli ol cent partoprenantoj, inter kiuj
sesdeko venos el dek diversaj landoj de Hispanio ĝis Rusio; ĉeestos
almenaŭ dek ses Esperanto-familioj kun trideko da infanoj, kiuj certe
iom vigligos la tuton sub sperta gvido de Kim Henriksen. La nomoj de
multaj aliĝintoj troviĝas sur la paĝo
http://www.esperantoland.org/nr/nr3ni_partoprenos.php
Pupteatro, ekskursoj, prelegoj, kursoj kaj silvestra festo
Dum NR okazos krome pupteatra prezento de Ĉristoph Frank, kiu ankaŭ
gvidos kurson pri pupludado por plenkreskuloj kaj infanoj. Pluraj
ekskursoj gvidos la interesitojn al vinkelo kaj al naĝejo kun saŭno
kaj krome verŝajne al la urboj Trier kaj Bernkastel kaj al la
kastelo en Coĉem.
Diversaj partoprenantoj ofertos prelegojn, István Ertl faros
literaturan prezenton, aliaj ofertos kurson, ekzemple pri dancado aŭ
senstreĉiĝo. Dum la silvestra nokto ni ĝuos konvenan bufedon kaj
povos danci laŭ diskoteko sub la sperta gvido de Dirk De Weerdt. Kaj
certe ĉiutage okazos multaj interparoloj kaj amika kunestado en la
NR-kafejo.
Lerni Esperanton en EsperantoLando
Ĉiuj konsentas, ke plej bone oni lernas lingvon en la koncerna lando
- Esperanton oni lernas en EsperantoLando. Ankaŭ
ĉi-foje por maksimume dek komencantoj ni ofertos iom
intensan kurson en la unuaj du tagoj de la aranĝo;
progresantoj ĝuos lingvan
subtenon kaj supozeble estos konversacia rondo.
Tiel eblos dum unu renkontiĝo lerni la lingvon kaj tuj
apliki ĝin en internacia rondo. (Kompreneble ni zorgos,
ke la plimulto de la partoprenantoj estos spertaj
Esperanto-parolantoj.)
Krome ni okupiĝos pri la lingva evoluo de la infanoj; ni provos
kombini amuziĝon kun lingvolernado, kaj esperas tiel kontribui al la
estiĝo de gaja internacia infana rondo.
Komune festi la Novan Jaron
Estu bonvena por komune festi la Novan Jaron dum la 3a Novjara
Renkontiĝo de EsperantoLand
Lu Wunsch-Rolhoven
EsperantoLand
--
Pliajn detalojn trovu sur
http://www.esperantoland.org/nr
aŭ petu ilin
retletere de luCHEesperantoland.org (anstataŭigu CHE per @)
--
Kreskigi Esperantujon
http://www.EsperantoLand.org
3a NR - Novjara Renkontiĝo
http://www.EsperantoLand.org/nr
SOMERE - Somera Mezeŭropa Renkontiĝo
http://www.EsperantoLand.org/somere
Libroj - muziko - gazetoj
http://www.EsperantoLand.org/libroj
Renkontiĝaj mapoj
http://www.EsperantoLand.org/renkontighoj
Mapoj de Esperanto-grupoj
http://www.EsperantoLand.org/grupoj
Esperanto-kursoj sur mapoj
http://www.EsperantoLand.org/kursoj