Aliĝilo al 90-a UK 2005
en Vilnius
Komence de Julio ĉi-jare aperis
aliĝilo al la 90-a jubilea Universala Kongreso de Esperanto, kiu okazos la
23-30-an de Julio, 2005 en ĉefurbo de Litovio Vilnius. Ĝi jam estis dissendita
kun julia-aŭgusta numero de la revuo de UEA "Esperanto", kun julia numero de "La
Ondo de Esperanto", kun lasta numero de "Kontakto" kaj "TEJO Tutmonde", ĝin en
sia kongresa sako trovis partoprenintoj de la 89-a UK en Pekino, ricevis
partoprenintoj de la 40-aj jubileaj Baltiaj Esperanto-Tagoj en Birstonas, de la
37-a Konferenco de ILEI en Bratislava , de la 57-a kongreso de IKUE en Kretinga,
de la 6-a Eŭrop-Unia Kongreso en Bilbao k.a. Nun ĝin eblas ricevi de UEA aŭ de
Litova Esperanto-Asocio. Aliĝilo ankaŭ elŝuteblas rete laŭ adresoj
http://uea.org/kongresoj/uk_2005.html kaj
http://esperanto.lt/uk2005/aligxilo.pdf En retejo de
Universala Esperanto-Asocio laŭ adreso
http://uea.org/kongresoj/index.html eblas trovi ankaŭ
diversajn aliajn informojn pri UK (Enkonduko pri kongresoj, UK - kiel ĝi
funkcias?, UEA and its Congresses - por UK-partneroj, Estontaj Universalaj
Kongresoj (lokoj, datoj), Kiel aliĝi al UK?, Kotiztabelo por aliĝi al UK, Kiel
mendi reklamon en la Kongresa libro kaj dum la kongreso?, Kiel pagi pro la
kongreso kaj kiel transpagi?, Listo de UK-perantoj, Kiel akiri pliajn informojn
pri UK? , Kongresa Regularo. En retejo de Litova Esperanto-Asocio
www.esperanto.lt oni povas trovi apartan rubrikon pri
UK en Vilnius en 2005 kaj tie trovi amason de aktualaj informoj pri agado de
litovaj esperantistoj, pri preparlaboroj al UK, pri aliaj utilaj informoj pri la
kongresa lando, kongresa urbo k.s.
En Pekina UK kaj ĝis nun jam aliĝis al jubilea UK en Vilnius pli ol 70 personoj.
Povilas JEGOROVAS
Litova Esperanto-Asocio
p.k. 167, LT-44291 Kaunas, Litovio
Tel. +370 37 208503, fakso +370 37 228616,
retejo
www.esperanto.lt,
Poshtelefono +370 687 12219
Filio en Vilnius: p.k. 178, LT-01003 Vilnius, Litovio
Tel. +370 5 2391078, fakso +370 5 2391121,