JUBILEA JARO DE ANTANAS POSKA
Ĉi-jare tuta Litovio en tutlanda ŝtata nivelo mencias 100-jaran datrevenon de
fama litova vojaĝanto,verkisto, tradukisto,ĵurnalisto,sciencisto, esperantisto,
poeto Antanas POSKA (1903 1992).Jam antaŭ kelkaj jaroj estis fondita respublika
komitato sub gvido de vicministrino pri kulturo por organizi tiun jubileon.En la
komitaton eniras ankaŭ prezidanto de Litova Esperanto-Asocio Povilas JEGOROVAS
kaj respondeca sekratariino Irena ALIJOSIYT?.
En marto pasis ĉiuj ĉefaj aranĝoj, ligitaj al la dato, sed multaj aferoj daŭros
dum la tuta jaro.
La 19-an de Marto en Litovia teknika biblioteko en Vilnius estis malfermita
ekspozicio dediĉita al la dato kaj konsistanta el verkoj de Antanas POSKA,
manuskriptoj, fotoj, leteroj, diversaj dokumentoj kaj aliaj aferoj, ligitaj al
lia personeco.La saman tagon en tiu-ĉi biblioteko estis prezentita la unua lia
libro el serio "De Baltio ĝis Bengalio" en litova lingvo.Tuta serio konsistos el
pli ol 10 volumoj.Tiu-ĉi la unua kaj dua libroj estis eldonitaj jam ĝis 1940, la
tria estis presita, sed la tuta eldonkvanto neniigita lige kun veno de soveta
potenco.En la unua volumo preskaŭ ĉiupaĝe oni povas legi pri Esperanto kaj
esperantistoj, ĉar ĉiuj tutmondaj vojaĝoj de Antanas POSKA okazis dank al liaj
esperantistaj kontaktoj kaj esperantista agado.Nun aperos la tuta serio.En la
ekspozicio vaste respeguliĝas esperantisteco de Antanas POSKA.
La 20-an de Marto en Litovia scienca akademio okazis scienca konferenco laŭ temo
"Personeco, verkaro,esploroj de Antanas POSKA".La konferencon gvidis direktoro
de Direkcio de 1000-jariĝo de Litovio, kunaganto de Antanas POSKA s-ro Gediminas
ILGYNAS.Estis legitaj 11 sciencaj prelegoj pri diversaj aspektoj de vivo kaj
agado de Antanas POSKA.En ĉiuj el ili oni multfoje menciis kaj substrekis lian
esperantistecon kaj esperantistan agadon.Speciala prelego pri li kiel pri
esperantisto "Kavaliro de Verda Stelo" estis legita fare de vilniusa
esperantisto Vytautas SILAS.
La saman tagon en ĉefa salono de Litovia scienca akademio sub gvido de
vicprezidanto de scienca akademio, rektoro de Vilniusa pedagogia universitato,
konsilanto de Litovia prezidento pri kulturo, scienco kaj edukado akademiano
prof. habil. Dr. Algirdas GAIZUTIS okazis oficiala solena kunveno dediĉita al la
dato.Estis farita prelego pri vivo kaj agado de Antanas POSKA, montrita filmo
pri li, legitaj fragmentoj de liaj verkoj, rakontitaj rememoroj de liaj konatoj
sciencistoj, verkistoj, esperantistoj k.a. Estis trafaj muzikaj kaj popoldancaj
pauzoj.
La saman tagon estis inaŭgurita ekspozicio pri vivo kaj agado de Antanas
POSKA en biblioteko de Litovia scienca akademio.Ĝi daŭros tutan monaton.
La 24-an de Marto estis malfermita tre riĉa kaj prestiĝa ekspozicio pri Antanas
POSKA en ĉefa nacia biblioteko de Litovio en Vilnius libroj, manuskriptoj, fotoj,
dokumentoj, gazetartikoloj k.s.Ĉie tre vaste videblas lia esperantisteco kaj
esperantista agado.Tiu-ĉi ekspozicio funkcios ankaŭ tutan monaton.
La saman tagon vespere en Respublika Instruista domo okazis kunveno pri tiu-ĉi
legenda personeco por instruista publiko.
La 25-an de Marto en Kaunas, en urba publika biblioteko okazis vespero, dediĉita
al 100-jariĝo de Antanas POSKA.Oni rakontis pri tre multfaceta lia vivo kaj
agado, interalie, Povilas JEGOROVAS parolis pri lia esperantista agado.Estis
faritaj kelkaj prelegoj, rememoroj, legitaj liaj verkoj, poeziaĵoj,
muzikado.Samtempe en la biblioteko estis malfermita riĉa ekspozicio pri li, ĝi
funkcios monaton.
En ĉiuj aranĝoj partoprenis gvidantaro de Litova Esperanto-Asocio kaj multaj
esperantistoj.Meze en ĉiu aranĝo partoprenis po 200 personojn.
Krome, multaj aranĝoj okazis kaj okazos en distrikto PASVALYS, de kie devenas
Antanas POSKA.
Krome, aperis kaj aperos multaj artikoloj en diversaj litovlingvaj gazetoj
kaj revuoj, radioelsendoj, televidaj elsendoj, fotoekspozicio en Litovia
fotoarta societo.
Aperis kaj aperos multaj libroj de Antanas POSKA kaj pri li.Estis jam menciita
la unua volumo el 10 pri liaj vojaĝoj.Baldaŭ aperos solida kolektiva monografio
pri Antanas POSKA, en kiu tuta ĉapitro estos pri lia esperantista agado.Krome,
aperos en litova lingvo lia libro pri la tuta vivo sub titolo "Fabelo de mia
vivo".Zorgita de Litova Esperanto-Asocio aperos lia "Esperanto raktas" (Ŝlosilo
de Esperanto), jam aperinta en 1929 kaj 1969.Sian vicon atendas lia ĉefa
esperantlingva libro "Ni ĉiuj estas fratoj", kiu konsistos el du volumoj.Estas
eldonitaj eĉ du poŝtaj kovertoj, dediĉitaj al lia datreveno kaj speciala unutaga
poŝta stampo.
Detale pri esperantista agado de Antanas POSKA legu en "Litova stelo" Nr. 2 kaj
3 de 2003.Mi ĉi-tie menciu nur tion, ke lin kiel personecon ĉefe edukis kaj
formis lia esperantisteco.Esperantisto li fariĝis estante 10-jara.Ĉiuj ĉefaj
liaj sortoskuaj vivoeventoj estis ligitaj kun lia esperantisteco multjara
tutmonda vojaĝo, ekzilo, savo de judoj k.s. Lia esperantisteco estas sentebla en
ĉiu paŝo de lia tre interesa , eventoriĉa kaj samtempe tragedia vivo.
Li estis esperantisto en vera senco de tiu vorto pense kaj anime li ĉiam
agis en spirito de humanisma esperantista movado.
Ekde 1937 ĝis 1940, t.e. ĝis likvido pro sovetia okupacio li estis
prezidanto de Litova Esperanto-Asocio.
Povilas JEGOROVAS
Prezidanto de Litova Esperanto-Asocio
Kaunas,
La 2-an de Aprilo,2003
Tiun sciigon elsendis al "BAVARESPERANTOINFO":
***********************************
Renato Corsetti via del Castello, 1
IT-00036 Palestrina, Italujo
< renato.corsetti@uea.org
>
***********************************