Novaĵoj pri la 83a GEK en Braunschweig
-- LKK de 83a GEK informas
februaro 2006
Jen resumo de ĝisnunaj faritaĵoj kaj kelkaj freŝaj informoj rilate al la 83a
kongreso en Braunschweig (2-5 junio, 2006).
EKSPOZICIO
LKK interkonsentis kun la kulturagantoj de la urbo Braunschweig, kiuj
montriĝis kunlaboremaj partneroj. La urbo disponigos por ni la konatan
ekspoziciejon "Kulturinstitut - Stadt Braunschweig", kiu havas la nomon "Brücke"
por ekspozicio rilate al Esperanto kaj la 100-jara historio de GEA.
Dum la daŭro de tiu publika ekspozicio (11.05-07.06) ni ofertos rapidkursojn
kunlabore kun la Internacia Popolaltlernejo en Braunschweig kaj zorgos pri vasta
gazetara informado.
PRELEGOJ
Inter la prelegontoj ni havos gravulojn kaj de la germana kaj de la
internacia Esperanto-movado: krom la festprelego de d-ro Ulrich Lins ni havos la
ŝancon ĝui prelegojn i.a.
de d-ro sc. Detlev Blanke, Wera Blanke, d-ro Werner
Bormann, Peter Chrdle, Zlatko Tisljar.
FAKKUNSIDOJ
laŭtradicie kunsidos la fakaj asocioj de GEA, la Asocio de Germanaj
E-Instruistoj (AGEI) planas reaktiviĝi kaj atendas novajn kunlaboremulojn.
Kunsidos ankaŭ la fervojistoj (GEFA) kaj mendis jam kunsidĉambron la Germana
Esperanto-Centro (GEC/ICH).
KONGRESLIBRO
Reprezentantoj de landaj asocioj, klubestroj, ktp: por la kongreslibro
(se vi ankoraŭ ne faris) bonvolu rapide sendi kelkpaĝan raporton pri via
100-jara agado!
EKUMENA DISERVO
La ekumenan diservon celebros en la bela Sankta Ulrici preĝejo la pastoro Peter
Baess kaj pastro Albrecht Kronenberger.
KULTURAJ PROGRAMEROJ
Asorti, la fama muzikgrupo el Litovio akceptis la inviton de LKK. Ili ĝojos
reviziti Germanion, ja ĝi estas la unua ekstersovetunia lando, kien ili vojaĝis
por koncerti antaŭ 10 jaroj. Ili prezentos agrablan dancmuzikon, folkloraĵojn,
konatajn kaj nekonatajn kanzonojn.
Klasikajn melodiojn kantos la profesiaj kantistoj el Herzberg, la t.n. Trio.
Buntan sinprezentadon planas la organizantoj de la 84a GEK en 2007 kun
projekciado pri la sekva kongresurbo Hamburgo, kaj kantoj de Ralph Glomp.
EKSKURSOJ
Gifhorn: Internacia Muelila Muzeo, Herzberg: kastelo,
E-Centro kaj E-biblioteko, urborigardado, Wolfenbüttel: urborigardado,
historiaj vizitindajxoj.
POSTKONGRESO en Herzberg (6-9
junio)
Favorajn partoprenkondiĉojn ofertas Interkultura Centro Herzberg (Germana
Esperanto-Centro) al tiuj, kiuj ŝatus plilongigi sian restadon en E-lingva medio.
La vizitontojn atendas varia kulturprogramo, ekskursoj, migrado en la Nacia
Parko Harz. Estas en la planoj ankaŭ koncerto de muzikgrupo Asorti por
neesperantista publiko en la urba kastelo.
Glumarkoj
Pretiĝos specialaj glumarkoj por la kongreso kaj la 100-jara jubileo.
ATENTON: alvoko de LKK al
-la fakaj kaj landaj asocioj (kiuj ankoraŭ ne faris): bv. mendi viajn
kunvenĉambrojn, indiki la
tempobezonon kaj la proksimuman
nombron de partoprenontoj
-aliĝontoj: bv. atenti la limdaton por la sekva aliĝperiodo: la 31a marto 2006.
Okaze de la jubilea jaro de GEA specialajn donacojn (valorajn librojn, repagon
de partoprenkotizo) ricevas la 100-a kaj 150-a aliĝintoj!
Por detalaj informoj pri la kongreso kaj por rete aliĝi bonvolu viziti la
retpaĝon de la 83a GEK:
www.jubileagek.ic-herzberg.de
En la nomo de LKK:
Zsofia Korody, Peter Zilvar
*******************************************
Esperanto-instruado, biblioteko, muzeo je via servo:
Interkultura Centro Herzberg
D-37412 Herzberg/Harz
Grubenhagenstr. 6, Tel: +49/(0)5521-5983
www.ic-herzberg.de