Informoj kaj planoj de Germana Esperanto-Centro en 2006
Germana Esperanto-Centro (Klerigejo
de GEA) en Herzberg=Harz
Karaj! Estimataj!
Okaze de la nova jaro ni deziras al vi ĝojon kaj bonfarton!
Dum la Vintra Semajno la 6an de januaro funkciuloj de GEC, la EGS-estraro kaj
kelkaj kunlaborantoj (entute 12 partoprenantoj) kune bonvenigis la novan jaron
kaj skizis la venontajn taskojn.
Post sukcesa jaro 2005 jen kelkaj aktualaj taskoj kaj programoj dum 2006:
1) ĜEMELURBA PROJEKTO: unika modelprojekto
uzi Esperanton kiel praktikan pontlingvon. En 2006 ni plilarĝigos la kontaktojn
inter Herzberg kaj la pola ĝemelurbo Gora (cetere Esperantistoj en Gora festis
kune kun la urbestro la Zamenhof-feston kaj gajnis novajn instruistojn, kiuj
volas lerni Esperanton).
a: Esperanto-kurso en Herzberg komenciĝos je la 26a de januaro 2006.
b: Dum aŭgusto 2006 lernantoj el Gora kaj Herzberg havos en Herzberg 2-semajnan
dumferian intensan lingvokurson.
2) ARKIVO KAJ BIBLIOTEKO: daŭrigado de
kataloglaboroj
3) STUDSESIOJ: novaj studsesioj por klerigi
Esperanto-kursestrojn kaj Esperanto-instruistojn.
4) FAKSEMINARIOJ: por kolektantoj, arkivoj
kaj bibliotekoj, trejnado de lingvokomisaroj
5) ILEI-ekzamenoj kaj studsesioj kunlabore kun
PSI en St. Andreasberg
6) JUBILEA KONGRESO DE GEA: organizado de
83a GEK en Braunschweig (inkl. agado dum la jubilea jaro de GEA)
a: pretigo de ekspozicio pri 100-jara GEA en Braunschweig
b: pretigo de migradekspozicio
8) GEFA-KONGRESO: organizado de fervojista
kongreso dum aŭtuno 2006 en Herzberg
9) INTERKULTURAJ VESPEROJ: ĉiumonataj
prelegoj pri interesaj temoj por neesperantista publiko en ICH
10) TUTLANDAJ OKTOBRAJ PEDAGOGIAJ TAGOJ (TORPEDO) kun la ĉeftemo:
instrumaterialoj, instruhelpiloj
11) LINGVOKURSOJ por ĉiuj niveloj (semajnfinaj kaj dumsemajnaj).
12) EKZAMENOJ: ni estas konstanta ekzamenejo de GEI. Ankaŭ preparkursoj
eblas.
13) Nunaj E-kursoj:
a) 10 lernantoj en meza lernejo
b) perfektiga kurso por kunlaborantoj de ICH
c) infankurso kun entute ĝis 9 infanoj
d) kurso en gimnazio (ekde feb. 06) jam 12 lernantoj aliĝis.
e) urba E-kurso ekde 26a de januaro 2006
f) VHS-kurso en Northeim
Por detala jarprogramo 2006 bonvolu rigardi nian retpaĝaron
http://ic-herzberg.de aŭ por kluboj, interesiĝantoj
laŭpete ni sendos ĝin poŝte.
Venu, vidu, spertu: partoprenu, helpu kaj subtenu la multflankan agadon por nia
komuna Esperanto-movado.
Bonvenon!
La novjar-bonvenigan foton vi povas vidi ĉe:
www.fotos.web.de/esperanto-zentrum/Programoj
Korajn salutojn el "Koromonto":
Marika Frense Zsofia Korody Otto Kern
Kuba Rybczynski Harald Mantz Peter Zilvar
*******************************************
Esperanto-instruado, biblioteko, muzeo je via servo:
Interkultura Centro Herzberg
D-37412 Herzberg/Harz
Grubenhagenstr. 6, Tel: +49/(0)5521-5983
www.ic-herzberg.de