Invito al Esperanto-renkonto en Slawa (PL) de la 27-a ĝis la 29-a de majo 2005
Karaj,
de la 27-a ĝis la 29-a de majo 2005 okazos denove Internacia Esperanto-renkonto
(la 10-a!) en Slawa
(en okcidenta Pollando, inter la urboj Nowa Sol kaj Leszno), en kiu jam de
pluraj jaroj partoprenas multaj Esperanto-lernantoj de Dresdenaj lernejoj kaj de
tuta Saksio (ne nur junuloj!).
La renkonto okazos denove en la ripozejo PCK (flanke de la urbeto Slawa) en pina
arbaro, ĉe la plej granda lago de Silezio.
Tranoktado en tri- aŭ kvarpersonaj dometoj kun litotukoj; plena kaj bongusta
manĝo; venos grupoj el Germanio, Pollando kaj probable ankaŭ el Bohemio kaj
Slovakio.
Se vi havas intereson, bonvolu peti pli da detaloj kaj eventuale informi pri via
partopreno antaŭ la 30-a de aprilo 2005,
Andrzej Kiszkiel,
str. Przemyslowa 35/4, PL-68-300 LUBSKO, Pollando
Se vi havas intereson veturi (trajne al Görlitz kaj poste buse al Slawa) kun la
Dresdena grupo, bonvolu kontakti
min
Kun amika saluto,
Benito FILIP (Benoît PHILIPPE)
Esperanto-instruisto de la Bertolt-Brecht-gimnazio en Dresdeno