VERDA INFORMILO NRO: 03-2004 junio 2004
===============================================================
VERDA INFORMILO
estas la oficiala informilo de estraroj de landa asocio
Meklenburgio-Antaŭpomerio (LAMA) kaj Esperanto-Societo Neubrandenburg (ESN),
www.esperanto-nb.de,
info@esperanto-nb.de
===============================================================
1. Ni funebras, Curt Vogler (01a de nov.
1927, 25a de majo 2004)
Post la 81a Germana Esperanto-Kongreso en Neubrandenburg ni eksciis pri
la morto de Curt Vogler el Bergen, insulo Rugeno.
Nin atingis karto, memverkita de Curt en platdiĉa lingvo kaj Esperanto. Inter
alie li skribis: "Mi ne plu skribos, kantos ludos...". Tiuj vortoj signas liajn
plej ŝatatajn okupojn - ofte Curt ĝojigis nin per siaj kantoj kaj versaĵoj, ĉu
platdiĉe, ĉu Esperante. Lastjare li eldonis humorplenan platdiĉan libron per kiu
li metis sian propran modestan monumenton.
Profesie Curt laboris kiel pedagogo kaj poste donis sian tutan sperton al
Esperanto. Ekde turniĝo 1991 li transprenis gravan taskon kiel estro de arbitra
komisiono de nia landa asocio (LAMA) kaj ĝi kelkfoje estis urĝe bezonata por
harmoniigi nian movadon.
Dum lasta tempo Curt sentis, ke li ne sukcesos privenki sian kormalsanon, tamen
li planis viziti la 81an GEKn en urbo Neubrandenburg kaj eĉ kontribui je la
programo, sed kelkajn tagojn antaŭ la komenco li por ĉiam formetis gitaron kaj
krajonon... Lia lasta peto estis, trovi sian kvieton en la maro, tion liaj tri
filoj plenumos je 20a de junio, 15.00 horo la motorŝipo "Kalinin" startos ekde
moleo de haveno Sassnitz.
Kiu povas partopreni tiun cermonion, tiu estas invitata.
Adiaŭ, kara Curt
estraro de LAMA (Werner Pfennig)
Vi ankaŭ povas kondolenci je la filoj de Curt, unu el ili:
Martin Vogler, Rosengarten 12, D - 18575 - Gartz/Rügen.
2. rezultoj de 81a GEK
Pentekosto, ekde la 28a ĝis 31a de majo 2004
160 partoprenintoj el dekunu landoj (DE, CZ, DK, NL, PL, Moldavio, Hungario, GB,
CH, Svedio.
Kulminoj: planto de Esperanto-kverko, akcepto de urba prezidantino, prelego de
membro de EU-parlamento, ekumena diservo, vesperaj koncertoj, pli ol 20 fakaj
kunvenoj, ekskursoj, abunda kongreslibro, Va Pomeria Esperanto Renkonto.
3. Mielno/Pollando
la 26a Ĉebalta Esperanto-Printempo nuntempe okazas en Mielno apud
Koszalin. Geamikoj el Meklenburgio-Antaŭpomerio partoprenos kaj prelegos antaŭ
la feriantoj.
4. VI Pomeria Esperanto-Renkonto PER)
dum la Va PER, kiu okazis dum la 81a GEK la partoprenantoj el MA kaj
la pomeriaj landoj de PL decidis:
- daŭrigi la ĉelimajn, unutagajn renkontojn,
- plilarĝigi kaj kontinuigi la kunlaboron,
- reciproka informado pri kaj invitado al la aranĝoj,
- interŝanĝo de kursestroj ktp.
La VIa PER okazos je pola pomeria flanko.
5. kunvenoj de Esperanto-Societo
Neubrandenburg
5.1 vizito de SEFT
sabaton, la 24an de julio: vizito de SEFT je tendejo Thomsdorf.
sabato estas la komenco de la Esperanto-tendumado. El urbo Neubrandenburg
aŭto-karavano startos sabate, 10an horo, komuna ĝuo de naturo kaj geamikaro,
tagmanĝo, komuna kafoklaĉo, vespere okazos hejmenveturo.
5.2 ĝardenfesto en vilaĝo Pragsdorf
Kiam: sabate, la 28a de aŭgusto, 12.30a horo rostkrada tagmanĝo,
poste kafoklaĉo, vespere intermanĝo.
Ĉiuj estas petataj veni, festi, amuziĝi, ĝoji, kanti.
Por la organizo de manĝaĵoj kaj trinkaĵoj zorgos la ESN, de la germanoj ni
kolektos monon, niaj polaj gastoj nenion pagos.
Por plani la kvanton ni tre petas antaŭinformon, ne timu pluvon, ni disponas pri
granda tendo.
Grandega peto: kiu kaplablus kaj kuraĝus kantigi la geamikojn?
Bonvolu kunporti gitaron aŭ alian neelektran instrumenton!!!
5.3 societa kunveno de ESN
merkrede, la 15an de septembro.
Kiu invitas???
temoj:
- kiel pasis la Esperanto-somero 2004 (kiu estis kie?)
- lingvaj ekzercoj
- el la gazetaro
- la kunvenoj de lastaj monatoj 2004
- novaĵoj.
6. Esperanto en Malbork/Pollando
Niaj geamikoj el Malbork tre aktivas kaj ofertas multajn aranĝojn.
Laŭ la nun aktuala pola administro la regiono de Gdansk, Bydgoszcz kaj Malbork
apartenas al Pomerio.
Plej aktivas la Esperanto-societo ĉirkaŭ la kruckavalira burgo "Marienburg",
estonte ni pli detale informos pri ili.
7. Semajnfina Esperanto-seminario
Jam estas la 39a laŭ la vico, kiu okazos ekde vendredo, la 29an ĝis 31an de
oktobro en urbo Neubrandenburg.
Ni celas denove starigi tri kursojn kaj gajni kursestron el Pollando.
Jam nun informadu per ĉiuj rimedoj pri nia lingvokurso, detalojn vi povas
ricevi per niaj retpaĝoj aŭ per nia adresoj.
8. 100 jarojn Esperanto en la Hanso-urbo
Hamburg
Gratulon al Hamburgo pro tiu belega festo-jaro.
La tutan jaron 2004 la hamburga Esperantistaro festas tiun jubileon kaj ili
eldonis okazan broŝuron "100 Jahre der Zeit voraus". Bonvolu viziti la retpaĝon
de Hamburgo:
www.esperanto-hamburg.de
kore salutas la estraroj de ESN kaj LAMA