La amendo de Dell'Alba estas diskutota/voĉdonota
Karaj gesamideanoj,
mi volas tuj dankegi ĉiujn, kiuj partoprenis la kampanjon por subskribigi la
remeton de la amendo de la parlamentano Dell'Alba pri Esperanto en la ĝeneralan
tekston pri multlingveco en EU.
La afero estis sukcesa. Nun verŝajne tiu amendo estos voĉdonata venontan ĵaŭdon.
Tamen mi volis nur informi vin tre rapide pri la nuna situacio, sed samtempe mi
PETAS VIN KE VI BONVOLU NE REE MESAĜI AL LA PARLAMENTANOJ ANTAŬ OL VENOS
INDIKO PRI TIO VERŜAJNE MORGAŬ DUM LA TAGO.
Fakte ni provos doni al vi la precizan numeron de la amendo voĉdonota (ĉar estos
amaso da voĉdonoj, kaj sen tiu numero neniu trovos tion, por kio li aŭ ŝi devos
voĉ-doni favore), ni donos al vi la liston de la subskribintoj por ke vi danku
ilin kaj ni donos al vi la indikojn pri la parlamentanoj al kiuj oni skribu
petante ke ili voĉdonu favore.
Intertempe ĉiu povas provi trovi la adreson de la parlamentanoj de la
propra voĉ-dona disktrikto, ĉar nur UNUOPAJ MESAĜOJ al tiuj parlamentanoj
povos efiki.
Konklude: dankegon al ĉiuj. Danke al vi nun la pleno de la parlamento ne povos
eviti esprimiĝi por aŭ kontraŭ Esperanto.
Dua konkludo: bonvolu ne kontakti iun antaŭ ol ricevi pliajn indikojn.
Amike
Renato
------------------------------------------------------------
Renato Corsetti, via del Castello, 1, IT-00036 Palestrina,
Italujo, <renato.corsetti@esperanto.org>
------------------------------------------------------------