HUMANITARNA ORGANIZACIJA HUMANITARA ORGANIZO
E S P E R O
BOSNA I HERCEGOVINA 71000 Sarajevo M.Spahe 10/II Tel./fax +387 33 441 843
PROJEKTO: FAMILIO ZVIRAC LA PATRINO VASVIJA
Antaŭ milito en Bosnio (1992-1996) familio
Zvirac en Sarajevo vivis normalan vivon. La patro Fetah
(1951) esperantisto depost 1973 el studentaj jaroj,
konstruteknika inĝeniero, la patrino Vasvija (1950), kemia
teknikisto kaj esperantisto depost 1976, kaj la tri infanoj
Denita (1980), Selma (1981) kaj Dino (1988), preskaŭ ĉiuj
denaskaj esperantistoj, vivis en 80-kvadratmetra loĝejo
kaj faris ĉiutagan laboron en siaj oficejoj aŭ lernejoj.
Krom ĉio ili ĉiuj tre aktive, precipe la patro Fetah,
partoprenis la E-agadon, plenumante plurajn gravajn funkciojn
en la loka kaj landa E-movado kaj partoprenis en ĉiuj
E-aktivecoj.
La milito kontraŭ Bosnio kaj kvarjara sieĝo de Sarajevo kreis jenan
situacion ĉe la familio Zvirac. Dum kelkaj minutoj ili perdis
loĝejon kaj kompletan havaĵon. Tankaj grenadoj unue ĝin
detruis kaj poste bruligis. La familio savis vivon ĉar
tiumomente kun aliaj kunloĝantoj troviĝis en kelo de la
sama domo. Sen kompleta familia kaj persona havaĵo la kvin-ana
familio ses-foje dum la milito ŝanĝis portempe disponigitajn loĝejojn
ekde uzo de unu ĉambro 20 m², ĝis apartamento 50 m². Nun
la familio vivas en portempe luita loĝejo 55 m², ĉar ilia
privata ankoraŭ ne estas riparita!
La patro postenas ĉe akciula kompanio "Energoinvest", la patrino estas senm
laboro, la filinoj studas ce Universitato kaj la filo vizitas
mezlernejon.
La salajro de la patro apenaŭ sufiĉas por lu- kaj viv- kostoj.
Sed listo da zorgoj kaj problemoj ne finiĝas. Male!! Nun
malkovriĝis ke la patrino Vasvija grave malsanas je
hepatito (Hepatitis chr. activa C). Por plibonigi
sanstaton kaj laŭeble savi la vivon ŝi urĝe bezonas laŭ konsilo
de kuracistoj dum 48 semajnoj uzi kombinitan antivirusan
terapion kun injektoj Pegasys a 180 ìg po unu semajne,
kiujn produktas farmacia firmao Hoffmann La Roche, Basel,
Svislando. Unu injekto (ampolo) kostas cca 280 eŭrojn!
La situacio ĉe familio Zvirac estas unu el centmiloj de bosniaj tragedioj
trafintaj ilin dum la lasta jardeko. Por helpi al multegaj
suferintoj Fetah Zvira kunfondis kaj gvidis sur volontula
bazo homhelpan organizaĵon ESPERO.
Ĝi plenumis sukcese gis nun plurajn projektojn kaj helpis al miloj da homoj
tra Bosnio.
Nun FAMILIO ZVIRAC bezonegas helpon por savi vivon al la
partino VASVIJA.
Tiu ĉi apelacio celas trovi kvindekon de humanaj personoj aŭ familioj kiuj
pretas donaci po 1 injekton "Pagasys" dum kuranta jaro ĉu aĉeti
kaj sendi ĝin al la familio, ĉu pagi al konto de Espero
en Sarajevo, aŭ...
Ni esperas pri via solidareco kaj humaneco.
Azra C'olic'
Prezidantino de la Estraro
De HO "Espero" Sarajevo
Karaj geamikoj,
Mi ne kredas, ke mi devas aldoni ion al la suba helpopeto el Bosnujo. Vi rajtas kontribui ankaŭ per pagado al la konto Espero ĉe UEA.
Amike
Renato
***********************************
Renato Corsetti via del Castello, 1
IT-00036 Palestrina, Italujo
<renato.corsetti@uea.org>
***********************************
Zurück zur Startseite von “BAVARESPERANTOINFO” - Reen al la komencpaĝo de „BAVARESPERANTOINFO“