AFRIKA KOMISIONO DE UEA - PRIORITATO AFRIKO

 

LERNEJOJ POR EVOLUO

Esperanto en la lernejo CEFI de Kongolando „Centre d'Education et Formation Integree“, CEFI, estas lernejo elementa kaj duagrada en la kongolanda urbo Uvira, apud la limo de Burundio. Ĝin fondis en 1993 s-ro Matthieu Kisose Kaŝa, kiel oficialan neregistaran organizaĵon. Liaj klopodoj estas mirindaj en tiu regiono turmentata de militoj.

Same mirindaj estas la klopodoj de Namutema Wabasobe Athanase, fidela esperantisto, kiu loĝas en Kiliba, urbeto je 17 km for de Uvira. Namutema ricevis biciklon per Agado Espero de UEA kaj per la helpado de siaj korespondantoj Ru kaj Katrin Bossong, Nederlando. Tio permesas al li veturi dufoje semajne al Uvira por instrui Esperanton en la unuagradaj kaj
duagradaj klasoj. Tiujn tagojn li veturas 34 km sur kadukaj vojoj, foje spertas paneon de sia biciklo, ne manĝas en tiu tago ĉar pro veturado li ne havas tempon por enspezado. Lia profito de tia tago estas alia.

 

Legu!

En la 5a kaj 6a klasoj de la elementa lernejo 49 infanoj lernas Esperanton dum sesdek minutoj semajne.

En la duagrada lernejo 85 lernantoj okupiĝas pri Esperanto dum kvar lecionoj de 50 minutoj.

Kiujn bezonojn ili havas? Jen:
Korespondado kun esperantistoj en la tuta mondo. Ĝemelado kun Esperanto-kluboj en la tuta mondo.
Kurson "Cours Ferez", revuojn, mondmapon, globon, piedpilkon.

Por kontaktoj, jen la adreso:

B.P.3484,

Bujumbura,

Burundi

tel. 00257 936607

fakso 00257 222147

ret- poŝt- adreso cefi.org@caramail.com

 

 

 

 

Zurück zur Startseite von “BAVARESPERANTOINFO”  - Reen al la komencpaĝo de „BAVARESPERANTOINFO“