Ekoturisma renkontiĝo en Ĉeĥio
Karaj amikoj,
mi
informas vin, ke ĉijare denove okazos EKOTUR (Ekoturisma renkontiĝo), kies
historio komencis pasintjare omaĝe al la Jaro de ekoturismo en tranlima Nacia
parko Sumava / Boehmerwald kaj laŭ la deziro de la partoprenintoj mi organizos
ĝin denove - kaj ekde nun espereble tradicie.
Ĝi okazos
en naturprotektata regiono Bohemia Karsto 2003-07-12/18 senpere antaŭ la
Internacia Esperanto-Konferenco (de OSIEK), kiu sekvos 2003-07-18/25 - kaj post
ĝi stratas la flugkaravano de Prago al Gotenburgo (kun 3-taga postkongreseto en
Kopenhago) 2003-07-26/08-05.
Sed revene
al la EKOTUR, 2003-07-12/18: Oni loĝos en la urbeto Karlstejn sub la famkonata
samnoma kastelo, laŭ sia postulemo aŭ tre modeste en sporta tranoktejo en
dulitaj kaj kvarlitaj ĉambroj sen ajna manĝo, tial tre favorpreze (kontraŭ nur
EUR 48 por la tuta restado), aŭ en tristela hotelo KORUNA kun enkluzivitaj
maten- kaj vespermanĝoj, kontraŭ’
EUR 172.-/pers en dulita ĉambro, kun eblo de
alpago EUR 63 por unulita ĉambro. En la hotelo Koruna okazos ankaŭ la vesperaj
programoj.
Dum la
piedmarŝado dumtaga ni ekkonos multajn naturajn, sed ankaŭ kulturajn vidindaĵojn,
denove ni disdividos nin al grupo pli sportema (kiun gvidos mi kja kiu marŝos
inter proks. 25 km tage) kaj malpli sportema (aŭ se vi preferas "promenema",
kiun gvidos verŝajne Zdenek Pluhar, kiu promenos laŭ interkonsente, ĝis
maksimume 15 km tage), sed la elekton ne necesas indiki anticipe, eblas decidi
ĉiam nur matene, kun kiu grupo oni partoprenos la tagan programon (laŭ la
momenta pritakso de fortoj, vetero, laceco, itinero).
Krome, se estos interesatoj, kiuj ne konas
Pragon (kaj ne partoprenos la sekvan IEK), unu tagon tiuj partoprenantoj veturos
al Prago por promeni tra ties centro sub gvido de loka
esperantisto. Dum vesperoj la spertaj esperantistoj denove diskutos pri
ekologiaj kaj naturprotektaj temoj (ne nur!), dum la komencantoj povos
perfektiĝi en la lingvaj konoj rilate Esperanton.
Tiom por hodiaŭ, ke vi sciu kaj povu
rezervi por vi la tempon. Al interesatoj mi volonte sendos la detalajn
informfoliojn kun aliĝiloj. Ĉar necesas pritaksi la nombron por la hoteloj, la
plej favorpreza periodo por aliĝo finas la 31-an de majo, sekve la kotizoj altiĝos.
Krome mi volas atentigi vin, ke alian tradician renkontiĝon,
nome IBIRE (Internacia biciklista renkontiĝo) mi ĉijare bedaŭrinde ne aranĝos
pri manko da tempo disponebla. Se estas biciklantoj inter vi, mi rekomendas
aliĝi al la BEMI-diskutklubo per
BEMI-subscribe@yahoogroups.com , tie vi renkontos
oferton de amaso da karavanoj surbiciklaj kaj pliajn interesajn informojn pri
Esperanto- biciklado.
Kun deziro
de agrablaj turismaj travivaĵoj en Esperanto-medio mi samideane salutas vin.
Petro
Petro
Chrdle, Anglicka 878, 252 29 Dobrichovice
Tel.: x420
257 712 201, fax: x420 257 712 126
E-mail:
chrdle@kava-pech.cz
http://www.kava-pech.cz
Zurück zur Startseite von “BAVARESPERANTOINFO” - Reen al la komencpaĝo de „BAVARESPERANTOINFO“