HELPU LA BALKANAN ESPERANTO-MOVADON
 

Disvastigado de Esperanto ne eblas sen vasta instruado de Esperanto. Esperanto-movado en la Balkanaj landoj suferas mankon de kapablaj instruistoj. Sub la cirkonstancoj de daŭra politika kaj ekonomia krizo ne eblas solvi tiun problemon sen helpo de amikoj el pli riĉaj landoj. Tial UEA fondis Balkanan Komisionon kaj malfermis konton Balkano por kolektado de monkontribuoj helpe al balkanlandaj esperantistoj.

La unua okazo por doni kaj uzi tian helpon estas Somera Esperanto-Lernejo kun metodika
seminario por E-instruistoj kaj kursoj de Esperanto por komencantoj kaj progresantoj. Ĝi okazos en la lasta semajno de junio 2003, en Ĉaĉak - en la centra parto de la Balkana
duoninsulo.

Poste sekvos serio de ĉiujaraj porinstruistaj trejnseminarioj kiujn la Balkana Komisiono organizos kunlabore kun ILEI.

Amikoj de balkanlandaj esperantistoj povas helpi ĉi tiun projekton per enpagoj al la konto Balkano ĉe UEA, aŭ pagante kotizon aŭ vojaĝkostojn rekte por iu sia amiko.

La helpo povas esti eĉ pli vasta. Eble via Esperanto-organizaĵo deziros ĝemeliĝi kun iu Balkana Esperanto-societo aŭ fariĝi ĝia patrono kaj tiel helpi ĝian agadon kaj kreskon.
Aŭ ni povas organizi komunan projekton financeblan el diversaj Eŭropaj fondaĵoj, ekzemple "Balkanaj Pacdialogoj", aŭ "Infana Parlamento".

Ĉiu helpo kaj kunlaborpropono bonvenos.

Pliaj informoj ĉe la kunordiganto de Balkana Komisiono

Radojica Petrovic', <radp@ptt.yu>
++++++++++++++++++++++++++++++++++++++


***********************************
Renato Corsetti via del Castello, 1
IT-00036 Palestrina, Italujo
<renato.corsetti@uea.org>
***********************************

Zurück zur Startseite von “BAVARESPERANTOINFO”  - Reen al la komencpaĝo de „BAVARESPERANTOINFO“